11-майда Нарында 13 адамдан турган топ ачкачылык акциясына чыгышты. Акциянын катышуучусу Канайым Бердибаеванын айтымында, Нарын облустук шайлоо комиссиясынын төрайымы Майрам Тиленчиеваны мурдакы шайлоолорду бурмалап өткөргөндүгү үчүн жумуштан алуу, облуста пенсия курагындагы 26 ар кандай кызматтардын жетекчилерин бошотуу талаптары коюлду. Аларга облус губернаторунун милдетин аткаруучу Адыл Эсенбеков чыгып, он беш күн убакыт берүүнү суранган соң ачкачылык акциясы убактылуу токтоду. (JI)
