Өзгөчө кыраалдар министрлиги менен “Sky Mobile” уюлдук компаниясынын Кыргызстандагы өзгөчө кырдаалдар, табыгый кырсыктар тууралуу СМС (кыска кабарлар) аркылуу маалымдап туруу боюнча биргелешкен пилоттук долбоору ишке кирди. Аталган министрликтен кабарлангандай, долбоордун максаты жаратылыш жана техногендик кырсыктардын алдын алуу, кесепетин азайтуу үчүн элге убагында маалымат жеткирүү болуп саналат. Расмий маалыматка ылайык, "Sky Mobile" компаниясынын Кыргызстандагы кардарларынын саны эки миллионго жакын. (EBM)
