Жогорку Кеңештин жанында эски аянтта чогулган Социал-демократтар партиясынын төрагасы, убактылуу өкмөт башчы Алмазбек Атамбаевдин жактоочулары тарай баштады. Аларды А. Атамбаев СДПК партиясынын кеңсесинен парламентти көздөй жөө ээрчитип келген. А. Атамбаев бүгүн убактылуу өкмөттүн ишин сынга алып, акция уюштургандардын арасында чагымчылар бар деп айтты. Кыргыз-казак чек арасы боюнча жакында Казакстанга барып президент Нурсултан Назарбаев менен сүйлөшүп келгени жатканын белгиледи. (EBM)
