Аймактагы кабарчыбыздын маалымдашынча, ага беш жүздөй адам катышып, жергиликтүү бийликтин азыркы жетекчилерин токтоосуз кызматтан кетишин, мурунку президент Курманбек Бакиевди тез арада алып келүүнү талап кылышууда. Облустун мурунку губернатору Мамасадык Бакиров кайра дайындоо демилгеси көтөрүлүүдө. Акцияга чыккандар облусттук акимчилик менен шаардык мэрияны басып алууга аракет кылышты. Шаар мэри Мелис Мырзакматов митингчилерди сабырдуулукка чакырып жатат. Убактылуу өкмөт башчынын орун басары Азимбек Бекназаров “Азаттыкка” азыр убактылуу бийликке каршы күчтөр баш көтөрүп биригип жатканын, бирок алардын өлкөгө бүлүк салуу максаттары ишке ашпай турганын билдирди. (EBM)
