“Замандаш” партиясынын жетекчилиги бүгүн маалымат жыйынын өткөрүп, өлкөдөгү кырдаалды турукташтыруу үчүн президенттик жана парламенттик шайлоолорду эртелеп эле августта өткөрүү сунушун билдирди. “Шайлоону октябрга белгилөө өтө кечтик кылат. Бул убакыт аралыгында өлкөдө бардык нерсе болуп кетиши мүмкүн,” – деп тынчсызданышат партия өкүлдөрү. “Замандаш” партиясы убактылуу өкмөт аракеттерин колдой турганын айтып, тартип орносун үчүн мыйзамдык жолго түшүү керектигин белгилешүүдө. (EK)
