Исландиядагы жанар тоодон аткан күлдөн улам Голландиянын Роттердам жана Амстердам аэропорттору таң эртеден тартып, сегиз саатка жабылды. Лондондун "Хитроу" жана "Гэтуик" аэропорттору жергиликтүү убакыт боюнча эртең мененки саат 8че чейин жабык болду. Британиянын башка аэропорттору жана Ирландиянын Дублин аэропорту жанар тоонун күлүнөн улам дем алыш күндөрү иштебеди.
Өткөн айда Исландияда аткан жанар тоо Европанын аба каттамдарын бир жумага чукул токтотуп салган болчу.
