Бийликтер билдирген маалыматтарда аскерлер оппозициянын тарапкерлерин кууп таркатканга жетишкени айтылат. Кагылышта демонстранттардан үч киши жана италиялык фотокабарчы набыт болду. Массалык акцияларды уюштургандар кармалды. Ошол эле учурда оппозиция тарапкерлеринин бир катар бөлүктөрү коопсуздук күчтөрүнө каршылык көрсөтүүдө. "Кызыл көйнөкчөндөр" деп аталгандар өкмөттүн кызматтан кетишин талап кылып, мындан бир жарым айдай мурда демонстрацияларды башташкан. Акыркы жумада эле кагылаштарда кырктан ашуун киши набыт болду.
