Кыргызстандын Коргоо министринин милдетин аткаруучу, Убактылуу өкмөттүн түштүк аймагы боюнча өкүлү Исмаил Исаков Жалал-Абаттын ат майданында азыр чогулуп турган бир жарым миңдей адам менен жолугушаарын “Азаттыкка” кабарлады.
“Түнү бою аксакалдар, аймактын активдери менен сүйлөшүп, Кудайдын жардамы менен чоң коркунучту четтеттик”, - деди И.Исаков.
Ал Жалал-Абаттагы Кадыржан Батыров жетектеген өзбек улуттук маданий борборунда ок атылганы боюнча жыйырмадай тергөөчү иштеп жаткандыгын кошумчалады.
Исмаил Исаков Убактылуу өкмөттүн чечимине ылайык Жалал-Абаттагы кырдаалды тез арада жайгаруу үчүн 19-майда Бишкектен учуп кеткен. (КЕ)
“Түнү бою аксакалдар, аймактын активдери менен сүйлөшүп, Кудайдын жардамы менен чоң коркунучту четтеттик”, - деди И.Исаков.
Ал Жалал-Абаттагы Кадыржан Батыров жетектеген өзбек улуттук маданий борборунда ок атылганы боюнча жыйырмадай тергөөчү иштеп жаткандыгын кошумчалады.
Исмаил Исаков Убактылуу өкмөттүн чечимине ылайык Жалал-Абаттагы кырдаалды тез арада жайгаруу үчүн 19-майда Бишкектен учуп кеткен. (КЕ)