Ташкенде өтө турган ШКУга мүчө өлкөлөрдүн тышкы иштер министрлеринин жыйынына Кыргызстандан өкүлдөр катышаары азырынча белгисиз. ШКУ боюнча улуттук координатор Төлөндү Макеев ушу сааттарда Ташкенде ШКУга мүчө өлкөлөрдүн улуттук координаторлорунун жыйынына катышууда. Эртең Шанхай кызматташтык уюмуна мүчө өлкөлөрдүн тышкы иштер министрлери июнда өтө турган ШКУ жетекчилеринин саммитине даярдыктар тууралуу жыйын курушат. Жыйында саммиттин күн тартибине коюла турган маселелер да такталат. (EK)
