Бул туурасында Ош шаардык билим берүү башкармалыгынын жетекчиси Абдивали Балтабаев «Азаттыкка» кабарлады. Анын айтышынча, акыркы коңгуроо мектептердин аймагында гана белгиленет. Калаадагы акыркы коомдук-саясий кырдаалга байланыштуу ашыкча шаң-шөөкөттөргө катуу тыюу салынат. Салтанатка арналган бардык иш-чараларга агартуу мекемелеринин, милициянын жана жол коопсуздугу органдарынын өкүлдөрү катышмакчы. Ата-энелердин көпчүлүгү мындай чечимди кубаттап жатышат. Алар ырасташынча, бүтүрүчүүлөрдүн кечесине олуттуу чыгым коротулуп, а түгүл мындан айрым мугалимдер пайда тапкан учурлар да жок эмес.
Ош шаарында быйыл 3080 улан-кыз 11-классты, ал эми 5852 окуучу 9-кластты аяктаары күтүлүүдө. (ATo)
Ош шаарында быйыл 3080 улан-кыз 11-классты, ал эми 5852 окуучу 9-кластты аяктаары күтүлүүдө. (ATo)