Ирандын чалгындоо министри былтыр жайда кармалган 3 америкалык жаш турист тыңчылар экенинде шек жок деп, Вашингтонго аларды ирандык туткундарга алмаштырууну сунуштады. Министр Хейдар Мослехи мындай пикирин Тегеранда кабарчыларга айтты. АКШ жарандары Сара Шурд, Шейн Бауэр жана Жош Фаттал былтыр Иранга түндүк Ирак тараптан киргенден көп узабай кармалган, ошондон бери алар өткөн аптада апалары менен жолуга алышты. Алардын туугандары жана АКШ тыңчылык тууралуу айыптоолорду четке кагып келатышат.
