Бүгүн өлкөнүн эки миңден ашуун мектептеринде акыркы коңгуроо салтанаты өтүп, жүз миңге чамалуу бүтүрүүчүлөр мектепти аякташат. Билим берүү жана илим министринин милдетин аткаруучу Абдылда Мусаевдин буйругу менен быйыл адатка айланган “Акыркы коңгуроо” жана бүтүрүү кечелери ресторан-кафелерде өтүүгө тыюу салынган. Мындай чектөө мектеп бүтүрүүчүлөрүнүн коопсуздугу жана алардын ата-энелеринин суранычы менен сарамжалдуулукка негизделип белгиленген. (GA)
