АКШнын мамлекеттик катчысынын орун басарынын Түштүк жана Борбор Азия боюнча жардамчысы Жорж Крол Ош облусунун жетекчилиги менен жолугушуп, облустун социалдык-экономикалык маселеси менен жеринде таанышат. Бул тууралуу Кыргызстандагы АКШ элчилигинин коомчулук менен байланыш кызматкери Турат Макенбаев “Азаттыкка” билдирди. Кечээ Жорж Крол өткөөл мезгилдин президенти Роза Отунбаева менен жолугушуп, расмий Вашингтон Кыргызстандын бийлигине өлкө алдында турган милдеттерди аткарууга жардам көрсөтүүгө даяр экенин билдирген. (AJ)
