Бир жумадан ашуун убактан бери абакта ачкачылык кармаган ирандык режиссер Жафар Панахи, кабарларга караганда, 200 000 АКШ долларын күрөөгө коюп бошотулду. Бир катар эл аралык сыйлыктардын ээси жана Ирандык оппозиция лидери Мусавинин жактоочусу Панахи март айында аялы жана кызы менен бирге камакка алынган. Анын үй бүлө мүчөлөрү кийинчерээк бошотулган. Режиссердун ишин эми Ыңкылапчыл сот карай турганын Тегерандын прокурору билдирди.
