Бул тууралуу “Жаңы Кыргызстан” партиясынын төрагасы Ү. Сыдыковдун адвокаты Татьяна Чильникина бүгүн маалымат жыйында билдирди. Анын айтымында, Ү. Сыдыков тымызын жаздырылып алынган телефон сүйлөшүүлөрү боюнча койулган бардык айыптарды мойнуна албайт жана өзү бул телефон сүйлөшүүлөрү жазылган аудиотасманы уга да элек. 14-майда Кыргызстандагы айрым маалымат каражаттар Ү. Сыдыков менен кээ депутаттардын убактылуу өкмөткө каршы иш-аракеттерди уюштуруу тууралуу телефондон сүйлөшкөндөрүн жарыялашкан. Ү. Сыдыковду ошол эле күнү Улуттук коопсуздук кызматы камакка алган. (EBM)
