Өзбекстан Тажикстандын Хатлон районуна каттачу темир жолду жаап койгонуна байланыштуу НАТО Ооганстанга жүк өткөрүүнүн башка жолдорун караштырышы мүмкүн. НАТОнун көп улуттуу коопсуздук күчтөрүнүн Ооганстандагы басма сөз өкүлү Өзбекстан менен Тажикстан ортосундагы саясий тирешүүдөн улам айрым жүктөр орто жолдо токтоп калганын билдирди. Тажикстандын темир жол компаниясынын башчысы Усмон Каландаров ушу тапта өзбек аймагында Тажикстанга бараткан 2 жарым миңдей вагон токтоп турганын кабарлаган. Алардын 300дөн ашууну НАТОнун Ооганстанга жөнөткөн жүгүн ташып бараткан.
