Грузиянын президенти Михаил Саакашвили эки жыл мурунку Орусия менен согуштан берки алгачкы аскердик парадды кабыл алып, “тышкы күчтөрдүн коркунучу дале уланууда” деп эскертти. Параддын соңунда грузин президенти өлкө эгемендик алгандан бери курман болгон аскерлердин урматына орнотулган эстеликти ачты. “Бардык грузиндер өз мекени үчүн өлүмгө даяр болушу керек, биздин ысымдарыбыз да ушул эстеликке жазылышына даярбыз”, - деди Грузиянын президенти.
