АКШнын мамлекеттик катчысы Хиллари Клинтон Бразилия менен Түркиянын Иран менен атомдук отун алмашуу аракетин айыптап, демилгени дүйнөлүк коопсуздук үчүн коркунучтуу план деп атады. Бейшембиде Вашингтондо билдирүү жасаган Клинтон айым Обаманын администрациясы бул аракет Ирандын атомдук программасына каршы эл аралык коомчулуктун биримдигин бузууга жардам берет деп эсептээрине басым жасады.
