Президенттин иш башкармалыгынын жетекчиси Курманбек Темирбаевге кызмат абалынан кыянаттык менен пайдаланган деген кине коюлуп, кылмыш иши козголду. Бул тууралуу Башкы прокуратуранын басма сөз кызматы бүгүн кабарлады. Темирбаевге 139 млн. сом эсебинде бюджеттик каражаттарды максатсыз пайдаланган жана Асанбай кичи районундагы балдар үйүн мыйзамсыз менчиктештирди деген айыптар коюлууда. Биринчи май райондук соту Темирбаевди камакка алуу жана ага издөө салуу чечимин чыгарды. (EK)
