Кайрылууда өлкөдөгү оор, ары кыйчалыш кырдаалга карабастан, болочок Конституциянын долбоорунун үстүнөн иштөө ынтымакта, өз ара түшүнүшүү жана биригүү маанайында жүргөнү айтылат. Анда ошондой эле диктаторлордун чексиз жана көзөмөлсүз бийлиги адам курмандыктарына жана мамлекеттин өз жарандарынан жатыркап, ажыроосуна гана алып келери айтылып, Башмыйзамдын жаңы долбоорунда Кыргызстан элин түзүүчү ар бир адамдын өмүрүнүн, эркиндигинин, абройунун баалуулугу эске алынганы жазылат. Кеңешме мүчөлөрү 27-июнунда өтө турган референдумга жарандарды активдүү катышууга чакырат. (EK)
