Убактылуу өкмөттүн төрайымы Роза Отунбаеванын 31-майдагы Декрети менен Токтогул Сатылганов атындагы Улуттук филармониянын директору Керим Турапов кызматынан алынып, анын ордуна Кыргыз эл артисти, төкмө акын Мир (Замирбек) Үсөнбаев дайындалды. Ушул эле күнкү дагы бир декрет менен Улуттук опера жана балет театрынын директору болуп Тимур Саламатов дайындалды. Буга чейин аталган театрды Болот Осмонов жетектеп келген болчу. Бул тууралуу Убактылуу өкмөттүн басма сөз кызматынан маалымдашты. (AJ)
