Кабулда бүгүн өтүп жаткан Тынчтык курултайында ооган президенти Хамид Карзай куттуктоо сөзүн сүйлөп жатканда кеминде эки жолу жарылуунун үнү чыккан. Курултайга бир миң алты жүз делегат чакырылып, алар президент Карзай сунуш кылган бейпилдик жана реинтеграция программасын талкуулашмак. Делегаттар “Талибан” кыймылынын өкүлдөрүн да курултайга чакыруу керек деп эсептейт. Лойя жырга курултайы үч күнгө созулат.
