Тегерандагы борбордук банк резервдеги 45 миллиард еврону сатып, доллар жана алтынга инвестиция салууну көздөөдө. Бул тууралуу Ирандын мамлекеттик телеканалы кабарлады. Азырынча банктын вебсайтында бул маалымат пайда боло элек, анын расмий өкүлдөрү болсо комментарий берүүдөн баш тартышууда. Бирок өткөн айда Ирандын борбордук банкынын башкаруучусу Махмуд Бахмани евронун наркы төмөндөп жаткан кезде андан арылуу керектигин кыйыткан.
