Убактылуу өкмөт кечээки жыйынында президентти, депутаттарды жана министрлерди жайгаштыруу боюнча комиссия түздү. Анда болочокто 120 депутаттан куралчу Жогорку Кеңешти Ак үйгө жайгаштыруу сунушу айтылды. Убактылуу өкмөттүн мүчөсү Дүйшөн Чотоновдун айтымында, өкмөт үйүндө азыр эки жүз отуз беш кабинет бар. Эгер имаратка парламент жайгаштырылса айрым кабинеттерди бузуп чоңойтуп же кичирейтиши керек болот. Ошондуктан ал имарарат парламентке ылайыксыз. Апель окуяларынын кийин жабыркаган Ак үй азыр ремонттолуп жатат. (EBM)
