Фэлкон же Шумкар-9 жандоочун жеке менчик СпайсИкс деген аталыш менен таанымал Космосту Изилдөө Технологиялар корпорациясы жасаткан. Шумкар АКШнын Кейп Канаверал тумшугунан асманга көтөрүлдү. Ичинде ишкананын Дрэгон же Ажыдаар деген космос кемесинин тажрыйба үчүн жасалган үлгүсүн алып баратат. АКШнын Космос агенттиги НАСА бул ракетаны жана космос кемесин келечекте орбитада турган эл аралык космос кемесине керек-жарак, а балким астронавттарды да ташууга үмүттөнүүдө. СпейсИкс корпорациясынын жетекчиси Элон Муск Пей Пал деп аталган электрондук төлөм системасын ишке киргизгендердин бири катары байлыкка марыган.
