“Назик кыз” бейөкмөт уюмунун жетекчиси Үкөй Мураталиева “Азаттыкка” Кыргызстандагы төрөт үйлөрүн мүмкүнчүлүгү чектелген келиндерге ылайыкташтыруу боюнча долбоор ишке киргени жатканын билдирди. Анын айтымында, долбоорду финляндиялык фонд каржылап жатат. Долбоордун алкагында Бишкектеги жана облустардагы төрөт үйлөрүндө майып келиндер үчүн атайын бөлмөлөр ачылат, коомдогу пикирлерди өзгөртүү үчүн социалдык роликтер тартылып көрсөтүлөт. (EBM)
