Оор кырдаал түзүлгөн Ош жана Жалал-Абад облустарына гуманитардык жардамды тез жеткирүү максатында Убактылуу өкмөттүн социалдык саясат боюнча координатору Э. Ибраимованын демилгеси менен штаб түзүлдү. Азыркы учурда дары-дармектер, эң зарыл товарлар, азык-түлүк демилгечи топтор тарабынан жыйналып жатат. Жыйналган жардамды жабыркаган аймакка тез жеткирүү эми аталган штабдын түздөн түз милдети болуп эсептелет. Штабдын жетекчиси болуп Исмаилов Кубанычбек дайындалды.