Иран президентинин руханий устазы, Аятолла Мухаммад Таки Месба Язди өкмөттү душманды опузалоо үчүн саналуу гана мамлекеттер сыяктуу “атайын курал” жасоого үндөйт. Аятолла Яздинин Иранды ядролук куралдуу болууга чакырган китеби 2005-жылы жана былтыр аз гана нускада чыгып, мартабалуу диниятчылар чөйрөсүндө гана таркатылгандыктан, буга дейре кеңири коомчулукка белгисиз болчу. Китептин көчүрмөсү Ассошийтед Пресс агенттигине кечээ күнү тийип, анын мазмуну ачык болууда. Иран ядролук куралдуу болууга умтулбаганын дембе-дем айтып келет.
