Бул тууралуу Убактылуу өкмөттүн жетекчисинин орун басары Азимбек Бекназаров бүгүн “Азаттыкка” билдирди. Анын айтымында, Минск тарап Курманбек Бакиевди кайтарып берүү талабы саясий себептерге байланыштуу коюлган, ошондуктан ал кайтарылбайт деген жоопту берген. Белгилүү болгондой Курманбек Бакиевди Минск конвенциясына ылайык Кыргызстанга кайтаруу талабын Башкы прокуратура жолдогон. Ага тескери жооп бүгүн келген.
