Президент Барак Обама 15-июндагы телекайрылуусунда АКШ өкмөтү Мексика булуңундагы "Бритиш Петролиум" компаниясына таандык скважинадан аккан мунайды токтотуу үчүн бар каражатын колдоноорун айтты. Ошондой эле табиятка да олуттуу зыян тийгизген кырсык Конгрессти "болочокто таза энергияны пайдалануу маселесине көңүл бурдурат" деди.
Кечээ АКШ Мексика булуңуна аккан кара майдын өлчөмүн мурдакыдан эки эсеге көбөйттү. Жаңы эсеп боюнча күнүгө скважинадан 60 миң баррелге чейин мунай агууда. Мурда 35 миң баррель агууда деп айтылып жүргөн.
