“Жарандардын референдумга катышуу укугун камсыздоо боюнча кошумча чаралар” декретине ылайык Кыргызстан жараны 27-июнда кайда болбосун добуш берүү мүмкүнчүлүгүнө ээ болот. Шайлоочулар тизмеси боюнча көрсөтүлгөн добуш берүү жайына келе албаган, айрыма талону жок жаран комиссияга кайрылып, шайлоочулардын кошумча тизмесине киргизиле алат. Ага паспортунун же жарандыгын күбөлөгөн документтин негизинде бюллетен берилет. Бул тууралуу Убактылуу өкмөттүн басма сөз кызматынан бүгүн кабарлашты. (EK)
