Ноокен районунун Чек айылында бүгүн аталган райондун акими Нурбек Мурашев, Базар-Коргон райондук кеңештин депутаты Асылбек Текебаев, Өзбекстандын Пахта-Абад районунун акими Шухрат Абдрахманов баш болгон ырасмий өкүлдөрдүн ортосунда сүйлөшүүлөр болду. Кыргызстан тарап Жалал-Абад аймагында тынчтык орногонун баса белгилеп, качкындар үчүн коркунуч жок экенин айтышты.
Ш.Абдрахманов Пахта-Абад районунда Ноокен жана Базар-Коргон районунан качкан 12 миң 500 өзбек улутундагы кыргызстандыктар баш калкалап жатканын, Ош жана Жалал-Абад районундагы окуяларда эки элдин тиешеси жоктугун жана аны үчүнчү күчтөр уюштурганын баса белгиледи.
Сүйлөшүү маалында Базар-Коргон районунан 10-12 аксакалдан турган делегаттар Пахта-Абад районундагы качкындар менен барып сүйлөшүү жүргүзүүсү керектиги тууралуу чечими кабыл алынды. Бул тууралуу “Азаттыкка” А.Текебаев Чек айылынан билдирди.
Анын айтымында, Базар-Коргондун Сейди-Кум айылындагы кыргыз улутундагылар Базар-Коргон айылынан качкан 4500 өзбек улутундагы кыргызстандыктарды үйлөрүндө калкалап турушат. Ноокен районунун акими Н.Мурашев “Азаттыкка” билдиргендей, Чек айылында Ноокен районунан качкан бардык адамдар үйлөрүнө кайтышты. (YA, IJz)
Ш.Абдрахманов Пахта-Абад районунда Ноокен жана Базар-Коргон районунан качкан 12 миң 500 өзбек улутундагы кыргызстандыктар баш калкалап жатканын, Ош жана Жалал-Абад районундагы окуяларда эки элдин тиешеси жоктугун жана аны үчүнчү күчтөр уюштурганын баса белгиледи.
Сүйлөшүү маалында Базар-Коргон районунан 10-12 аксакалдан турган делегаттар Пахта-Абад районундагы качкындар менен барып сүйлөшүү жүргүзүүсү керектиги тууралуу чечими кабыл алынды. Бул тууралуу “Азаттыкка” А.Текебаев Чек айылынан билдирди.
Анын айтымында, Базар-Коргондун Сейди-Кум айылындагы кыргыз улутундагылар Базар-Коргон айылынан качкан 4500 өзбек улутундагы кыргызстандыктарды үйлөрүндө калкалап турушат. Ноокен районунун акими Н.Мурашев “Азаттыкка” билдиргендей, Чек айылында Ноокен районунан качкан бардык адамдар үйлөрүнө кайтышты. (YA, IJz)
