Шайлоонун кечээги биринчи айлампасында мамлекет башчылыгы үчүн ат салышкан он талапкердин бири да 50%дан ашуун добуш топтой алган жок. Мөөнөтсүз шайлоо Польшанын президенти Лех Качиньски 10-апрелде Орусия аймагында болгон авиакырсыктан каза тапкандыгына байланыштуу өткөрүлдү. Өлкөнүн БШКсынын бюллетендердин 94%дан ашууну саналгандан кийинки расмий маалыматына караганда, парламент спикери Бронислав Коморовскини добуш бергендердин 41%, ал эми мурдагы премьер- министр, каза тапкан президенттин бир тууганы Ярослав Качиньскини 37%дайы колдогон. Алар эми шайлоонун 4-июлга белгиленген экинчи айлампасында ат салышат.
