Учурда Убактылуу өкмөттүн негизги максаты кыш киргенге чейин Ош, Жалал-Абад облустарында башаламандыктан жабыркаган атуулдардын турак-жай маселесин чечүү. Бул тууралуу Убактылуу өкмөт башчысынын биринчи орун басары Алмазбек Атамбаев кечээ маалымат жыйынында билдирди. Ал ошондой эле мамлекет көмүр казып алуу иштерин өзүнүн көзөмөлүнө алып, Миң-Куштагы көмүр кенинде мурда “Беш-Сары” жеке компаниясына таандык көмүр кесигинин базасында “Кара-Кече” мамлекеттик ишканасы түзүлөрүн белгиледи. (AJ)
