Бул тууралуу альянстын баш катчысы Андерс Фог Расмуссен кечээ билдирди. Анын алдында АКШ президенти Барак Обама Ооганстандагы коалициялык күчтөрдүн командачысы, генерал Стэнли МакКристалды Вашингтон администрациясынын жогорку өкүлдөрүн сындагандыгы үчүн кызматынан алган. Расмуссен генералдын жардамы менен ишке ашырылып жаткан стратегия “туура болчу” деп белгиледи. Президент Обама Ооганстандагы саясатта өзгөрүүлөр болбойт деди. МакКристалдын ордуна АКШ аскерлеринин Ирактагы командачысы генерал Дэвид Петреус дайындалды.
