Алдын ала эсептөөлөр боюнча ушул сааттарга карата кечээ жалпы элдик референдумга катышкандардын 90,86 пайызы “макул” деп добуш беришти. Шайлоочулардын 7,82 пайызы каршы добуш беришти. Борбордук шайлоо комиссиясынын төрагасы Акылбек Сариев “Азаттыкка” билдиргендей бул эң акыркы жыйынтыктар эмес, бирок эсептеле элек аз гана бюллетен калгандыктан алар шайлоонун жыйынтыгына таасирин тийгизе албайт. Демек кечээ кыргызстандыктар мындан ары өлкөдө парламенттик башкаруу болушун жана 2012-жылга чейин Роза Отунбаеванын президенттик кызматты аркалашын колдоп добуш беришти. (IJz)
