"Улуу аятолла" деген наамы бар Мохаммед Хусейн Фадлалла Бейруттагы ооруканада 75 жаш курагында каза тапты. Ал шийиттердин 1982-жылы Ирандын жардамы менен түзүлгөн радикал “Хезболла” уюмунун рухий көсөмү деп эсептелчү. Бирок өзү мындай бааны четке каккан. АКШнын мурдагы президенти Билл Клинтон Фадлалланы 1995-жылы Израиль менен күрөшүүнүн жолу катары жанкечтилердин чабуулдарын жактаганы үчүн террорчулардын Вашингтон түзгөн кара тизмесине киргизген.
