Убактылуу өкмөт жетекчисинин орун басары Өмүрбек Текебаев Осло шаарында өтө турган Европадагы коопсуздук жана кызматташтык уюмунун парламент аралык ассамблеясынын 19-сессиясына катышуу үчүн бүгүн учуп кетет. Бул тууралуу “Азаттыкка” Ө.Текебаевдин кеңешчиси Жоомарт Сапарбаев кабарлады. Анын айтымында, Ө.Текебаев Ослодо Кыргызстандагы соңку кырдаал, референдумдун жыйынтыктары туурасында баяндама жасайт. Ал Норвегияда 5-июлдан 12-июлга чейин болмокчу. (КЕ)
