Бул тууралуу Айыл-чарба министринин милдетин аткаруучу Нурлан Дүйшеев маалымат жыйынында билдирди. Анын айтымында, 7-апрелден бери күйүүчү майлар тартыштыгы сезилип, өзгөчө дыйкандарга кыйын болуп турат. Орусия күйүүчү май жаатында көмөк көрсөтөрүн айтканы менен айтылган күйүүчү майлар ушул убакка чейин келе элек. Н.Дүйшеевдин айтымында, өлкөнүн ички мүмкүнчүлүктөрүн колдонуу аркылуу дыйкандарга 3 миң тоннадай күйүүчү май табылды. Эми алар дыйкандарга 31 сомдон таркатылмакчы. (IJz)
