Шайло Жекшенбаевдин “Өтмөк” деген сүрөт көргөзмөсү Вена калаасындагы Аника Ханделт галереясында 29-июнда ачылды. Кесиби боюнча архитектор-режиссер Жекшенбаев июндагы Түштүк Кыргызстандагы окуяларды “трагедия" деп баалады. Апрель окуяларын тарткан сүрөтчү Кыргызстандын келечегине ишенүү менен карайт:
- Мен оптимистмин. Ушундай бир нерсе болоорун жүрөгүм сезген. Эл 20 жыл чыдады, акыры жарылды. Бирок мындан ары жакшы болот деп ойлойм. Тегеректеги коңшу өлкөлөрдүн абалы мындан да кыйын болуш керек, алар жарылса эмне болоорун ким билет...
Көргөзмө 21-августка чейин созулат.
