Өлкөнүн чыгышындагы жардырууда бир НАТО аскери курман болду, ал эми түштүк-чыгышта талиптер деп шектелген куралчандар барымтага алган алты курулушчунун өлүгү табылды. Кечээ эле Ооганстандын ар кыл аймактарында эл аралык күчтөрдүн алты жоокери набыт болгон. Бүгүн Кабулга келген АКШнын сенатору МакКейн Ооганстандын түштүгүндөгү Кандагар вилаетиндагы талиптер менен күрөштүн маанисин баса белгиледи жана Ооганстанды турукташтуруу ийгилигинин 70 пайызы коррупция менен күрөштүн жыйынтыгына көз каранды экендигин белгиледи.
