Кыргызстандын дин башкармалыгынан "Азаттыкка" маалымдашкандай, Мураталы ажы Жуманов бүгүн таңкы саат беш жарымда узакка созулган оорудан үйүнөн каза тапты. Анын сөөгү эртең өзүнүн туулган жери - Ноокат районунун Ынтымак айылында саат үчтө жерге берилет. Мураталы ажы Жуманов 3-4 айдан бери ашказан рагы илдети менен ооруп жүргөн. Мурдагы муфтий Мураталы ажы Жуманов 7-апрелдеги кандуу окуядан соң муфтийлик кызматын өз арызы боюнча тапшырып берген болчу. Мураталы ажы бар болгон 37 жашта болчу. (AzK)
