Ооганстандагы коалициялык күчтөрдүн жаңы колбашчысынын бул сапары жарыяланбаган визит болду. Исламабадда ал өлкөнүн жетекчилери менен сүйлөшүүлөрдү өткөрүп, Пакистандын экстремисттерге каршы күрөштөгү күч-аракетин белгиледи. "Жакындагы окуялар козголоңчулардын Пакистанга да, Ооганстанга да бирдей коркунучу бар экенин далилдеди",-деп айтты ал. Акыркы эки аптада эле Пакистанда террордук кыянаттардан 150 кишинин өмүрү кыйылды. Мындай окуялар Ооганстанда да көбөйдү. Вашингтон ооган талиптерине каршы күрөшкө жигердүү көмөктөшкөнгө Исламабадды чакырган эле.
