Президенттин администрациясы боюнча жарлыкка кол коюлду

Президент Роза Отунбаева 27-июлда кабыл алынган жаңы баш мыйзамга ылайык Кыргыз Республикасынын президентинин жана өкмөтүнүн ыйгарым укуктарын ишке киргизүү максатында президенттин администрациясын түзүү боюнча жарлыкка кол койду.

Жарлыкка ылайык президенттин администрациясы президенттин ыйгарым укуктарын жана жаңы өкмөт түзүлгөнгө чейин өкмөттүн ыйгарым укуктарын камсыздамакчы. Бул тууралуу Убактылуу өкмөттүн маалымат кызматы билдирет. (IJz)