Эларалык «Кызыл чырым» Комитети Кыргызстандын түштүгүндөгү кандуу окуянын натыйжасында жоголгондордун дайынсыз бойдон калып жатышы кайрадан кырдаалды курчутууда деп билдирди. Комитеттин Чыгыш Европа жана Борбор Азия боюнча операция башчысынын орун басары Надин Баг: «Жоголгондордун дайынын ачуу өлкөдөгү кыйын акыбалды бир аз болсо да жеңилдетмек», - деп айтты. Кыргызстандын өкмөтү түштүктөгү окуяларды иликтөө боюнча атайын комиссия түзө турган болду. Комиссия иликтеген маалыматынын жыйынтыктарын эки айдан кийин билдирет.
