Кыргызстандагы корей элчилигинен маалымдашкандай, түштүктөгү тополоңдо жапа тарткандарга бүгүн Түштүк Кореянын атынан гумжардам бериле баштайт. Иш чарага Кыргызстандагы корей элчиси Со Сынг Ёль жана Кыргызстандын саламаттыкты сактоо министри Сабыржан Абдикаримов катышат. Гумжардамдын биринчи бөлүгү буга чейин 11-июлда келген. Азык-түлүк, медициналык каражаттар, дары-дармектер түрүндө берилип жаткан гумжардамдын экинчи бөлүгү “Манас” аба майданына жакынкы күндөрү түшөөрү күтүлүүдө. (EK)
