Бүгүн Тарых музейинде залкар манасчылар Сагынбай Орозбаков менен Саякбай Каралаевдин айтуусундагы “Манас” эпосунун толук варианты боюнча өз-өзүнчө чыгарылган китептин жана манасчы Уркаш Мамбеталиевдин айтуусундагы “Семетей” эпосунун китебинин бет ачарына президент Роза Отунбаеванын катышуусу күтүлүүдө. Бул тууралуу Улуттук илимдер академиясынын Ч. Айтматов атындагы Тил жана адабият институтунун жетекчиси жана китептин түзүүчүсү Абдылдажан Акматалиев билдирди. Анын айтымында, аталган китептерге мамлекет тарабынан бир тыйын каражат бөлүнгөн эмес, “Турар” жана “Хан-Теңири” басмасы демөөрчүлүк кылып чыгарышкан. (AJ)
