Бириккен Улуттар уюмунун Балдар кору болгон ЮНИСЕФке ылайык, Борбор Азия менен катар Чыгыш Европада эпидемиянын өтө тез жайылышына маң заттарын колдонуу жана кооптуу сексуалдык жүрүп-турум кошумча болуп жатат. Абалды курчуткан дагы бир кырдаал – СПИДге чалдыгып, же ВИЧ инфекциясын жуктуруп алган жаш балдар эл билип калат деп коркуп, дарыгерге кайрылышпайт. Бүгүн Австриянын баш калаасында эл аралык СПИД конференциясы өтүп жатат.