Коопсуздук кеңешинин курамы бекитилди

Президент Роза Отунбаеванын жарлыгына ылайык Кыргызстандын Коопсуздук кеңешинин курамы бекитилди. Анын курамы 10 адамдан турат. Алар президент, Коопсуздук кеңешинин төрагасы Роза Отунбаева, президенттин администрация башчысы Эмилбек Каптагаев, биринчи вице-премьер-министр Амангелди Муралиев, Коопсуздук кеңешинин катчысы Алик Орозов, башкы прокурордун милдетин аткаруучу Байтемир Ибраев, тышкы иштер министри Руслан Казакбаев, коргоо министри Абибилла Кудайбердиев, ички иштер министри Кубатбек Байболов, Улуттук коопсуздук боюнча мамлекеттик кызматтын төрагасы Кеңешбек Дүйшөбаев, Өзгөчө кырдаалдар министри Дүйшөнкул Чотонов. (IJz)