Бишкекте өткөн Эл аралык донорлордун форумунда 14 өлкөнүн, 15 эл аралык донор уюмдарынын өкүлдөрү Кыргызстанга 600 миллион доллар каражатты ушул жылдын соңуна чейин берүү, калганын 30 айдын ичинде которуу чечимин кабыл алышты. Бул тууралуу жыйынга байкоо салган кабарчыбыз билдирди. Маалыматка караганда июнь айында түштүктөгү тополоңдо 375 миң адам жашап жаткан жеринен козголуп, анын ичинен 75 миңи үй жайы жок кыйын акыбалда калган. Чет элдик донор өлкөлөр жана уюмдар Кыргызстанга ар тараптуу каржылык колдоо көрсөтүшөрүн билдиришти. (AJ)
